前日唔知食錯乜野搞到又痾又嘔又發燒，其實陀住羊羊病都真係幾驚，好驚d細菌會影響到佢。不過好彩佢仲有不斷郁，最多可能係餓親下，因為真係食乜嘔乜，但都已經有種好對佢唔住嘅感覺😣
不過話時話我相信羊羊將來一定係個生命力超頑強嘅人，點解？因為諗番起未肯定自己有左果陣，我做齊哂大肚婆唔可以做嘅野，好似浸溫泉，食刨冰，染髮，大大力跳舞同玩90°直落過山車(唔係講笑諗番咁樣衝落去羊羊都無事真係謝天謝地)。一諗起做呢d野果時其實已經有個小生命喺我肚入面，就覺得佢而家可以健健康康真係有少少奇蹟嘅成份🤔
人地明明話懷孕頭3個月係要最小心，因為bb同胎盤都未穩定，但我偏偏喺果段時間最唔小心，因為實在太無存在感，肚又未大又未有胎動。所以睇黎佢出左世之後應該我要聽佢話，用黎彌補一下以前無視左佢安全嘅內疚感🙄#羊羊的成長日記
💟20160821(喺韓國準備浸溫泉前果一刻)
Search